မြတ်စွာဘုရားကို ပန်းကပ်လှူပူဇော်သူများအတွက် ဗဟုသုတ

***********************************************
တရားနာပရိတ်သတ်များ
အိမ်က ဘုရားကျောင်းဆောင်မှာ
ရနံ့မွှေးတဲ့ပန်း ပူဇော်တာလား၊ ရနံ့မမွှေးတဲ့ပန်း ပူဇော်တာလား
" ရနံ့မွှေးတဲ့ပန်း ပူဇော်တာပါဘုရား"
ဟုတ်လား။ တချို့ကျတော့ ကြာကြာခံအောင် ဆိုပြီးတော့
ဇော်စိမ်းတို့၊ ဇော်ကျားတို့ တင်ကြတယ်လေ။
ဇော်စိမ်း၊ ဇော်ကျားတို့တောင် မဟုတ်ပါဘူး။
ပလတ်စတစ်ပန်းတွေ လှူတာတောင် မရှိဘူးလား။
ရှိတယ်။ ဒါဆိုရင် ဘယ်မှာတုန်း ရနံ့။
ရေမွှေး ဆွတ်လိုက်ရင်တော့လည်း မွှေးမှာပေါ့နော်။
ဘုရားကို ပန်းနဲ့ ပူဇော်တဲ့နေရာမှာ
၁-အဆင်းလှတဲ့ပန်း ပူဇော်တာရယ်
၂-ရနံ့မွှေးတဲ့ပန်း ပူဇော်တာရယ်
၃-အဆင်းလည်းလှ၊ ရနံ့လည်းမွှေးတဲ့ပန်း ပူဇော်တာရယ်
လို့ အမျိုးမျိုးရှိတာပေါ့။
မွှေးတာ၊ မမွှေးတာ ခဏထားလိုက်ဦး။
ပန်းဆိုကတည်းကိုက ပန်းဖြစ်ရမှာနော်။
သစ်ရွက် မဖြစ်ရဘူး။
သပြေရွက်တွေ၊ သပြေညွန့်တွေလည်း မတင်ကြဘူးလား။
တင်ကြတယ်။ ပန်းဟုတ်ရဲ့လား။
" အောင်သပြေပါ ဘုရား "
အံမယ်.......သစ်ရွက်လို့မပြောဘူး။ အောင်သပြေတဲ့။
တော်တော် အောင်ချင်ပုံပေါ်တယ်။
သပြေဟာ သပြေပါပဲ။
အောင်သပြေလို့ အောင်လေးတပ်လိုက်ရုံနဲ့ မအောင်ပါဘူး။
အောင်အောင် လုပ်မှ အောင်တာပါ။
သပြေရွက်ဟာ အရွက်ပါ။ ပန်းမဟုတ်ပါဘူး။
သပြေညွန့်ဟာ အညွန့်ပါ။ ပန်းမဟုတ်ပါဘူး။
ကံ့ကော်ရွက်၊ ကံ့ကော်ညွန့်၊ ခရေရွက်၊ ခရေညွန့်
စသည်လည်း နည်းတူပဲပေါ့။
အရွက်တွေ၊ အညွန့်တွေပါ၊ ပန်းမဟုတ်ပါဘူး။
အရွက်တွေ၊ အညွန့်တွေကို ပန်း လို့ နာမည်တပ်
လှည့်စားပြီး လှူနေကြတာနော်။
လှူတယ်ဆိုတာထက် တင်တယ်ဆိုတာက ပိုမှန်မယ်ထင်ပါတယ်။
ယတြာချေတဲ့အနေနဲ့ ဘုရားရှေ့ သွားတင်ထားကြတာကိုး။
ဇော်စိမ်း၊ ဇော်ကျား ကျတော့ရော ပန်းလား၊ အရွက်လား။
အရွက်။
မွှေးတာ၊ မမွှေးတာ ခဏထား။
ပန်းဖြစ်ဖို့ကို အရင်ကြိုးစားရဦးမှာနော်။
သစ်ရွက်ကို ပန်းလုပ်ပြီး တင်နေကြတော့ မခက်ဘူးလား။
မတင်ရဘူးလို့ မဆိုလိုပါဘူး။ တင်ရပါတယ်။
ကုသိုလ်လည်း ရပါတယ်။
ပန်းရဲ့ အဆင်တန်ဆာ၊ ပန်းရဲ့နောက်ခံ အဖြစ်နဲ့ ပန်းပိုလှသွားအောင်
သစ်ရွက်စိမ်းလေးတွေ၊ သစ်ရွက်ကျားလေးတွေ ခြံရံပြီး
တင်တာဆိုရင်တော့ သဘာဝကျပါတယ်။
ဘာပန်းမှ မပါပဲ သစ်ရွက်တွေချည်းပဲ ပန်းအဖြစ်နဲ့
လိမ်ညာတင်တာကျတော့ ဘယ်ကောင်းပါ့မလဲ။
ပန်း အခက်အခဲဖြစ်နေလို့၊ ပန်း လုံးဝမရှိလို့ မလွှဲမရှောင်သာ
ယာယီအဖြည့် သဘောနဲ့ တင်လှူပူဇော်လိုက်ရတာကတော့တစ်မျိုးပေါ့။
ပြဿနာ မရှိပါဘူး။
စေတနာမှန်ဖို့၊ စေတနာမြတ်ဖို့ပဲ လိုပါတယ်။
ဘယ်လိုပဲဖြစ်ဖြစ် ဘုရားကျောင်းဆောင်ကတော့
" ဂန္ဓကုဋိ " တဲ့။
နံ့သာဖြင့် ထုံမွမ်းအပ်သော ကျောင်းဖြစ်ရမှာ။
ကိုယ့်ဘုရားကျောင်းဆောင်က ဘာကျောင်းဖြစ်နေလဲဆိုတာ
ကိုယ့်ဘာသာကိုယ် ဆန်းစစ်ပေါ့။
အဲဒီတော့ ရနံ့မွှေးတဲ့ပန်းတွေ
စံပယ်ပန်း၊ ခရေပန်း၊ ကံ့ကော်ပန်း၊ ဇွန်ပန်း၊ မြတ်လေးပန်း၊
တိုက်ဂါးလီလီပန်းတို့ အများကြီးရှိတာပါပဲ။
ရနံ့မွှေးတဲ့ပန်းတွေ ပူဇော်ပေါ့။
ဒါမှ ဂန္ဓကုဋိ ဖြစ်မှာပေါ့။
ရနံ့မွှေးချင်လို့ ဆိုပြီးတော့လည်း
နံ့သာဖြူ၊ နံ့သာနီတွေ အရည်ဖျော်ပြီး သပြေခက်လေးနဲ့
ဟိုပက် ဒီပက်တော့ မလုပ်ကြနဲ့ဦးနော်။
မွှေးတော့ မွှေးမယ်။ ဒါပေမယ့် ညစ်ပတ်တယ်။
အကျိုးပေးတဲ့ ဘဝကျတော့ လူကတော့ မွှေးချင်မွှေးမယ်။
ခရုသင်းကွက်တွေနဲ့ ဖြစ်မှာ။
ခရုသင်းကွက်၊ တင်းတိပ်ကွက်၊ ညှင်းကွက်၊ ပွေးကွက်တို့ပေါ့။
အဲဒါ ဘုရားကျောင်းဆောင်ကို ဟိုပက် ဒီပက် လုပ်ခဲ့လို့။
ဘုရားကျောင်းဆောင်ကို
ဟိုပက် ဒီပက် နဲ့ ဟိုကွက် ဒီကွက်ဖြစ်အောင်လုပ်ခဲ့တော့
ကိုယ့် ခန္ဓာကိုယ်၊ ကိုယ့်မျက်နှာမှာလည်း
ဟိုကွက် ဒီကွက်တွေ ဖြစ်ကုန်တော့တာပေါ့။
ဗောဓိညောင်ပင်တို့လို ဘာသာရေး အထိမ်းအမှတ် သစ်ပင်တွေ
စိုက်ပျိုးတဲ့အခါမျိုးမှာ အမွှေးနံ့သာပူဇော်တဲ့အနေနဲ့
နံ့သာရည်၊ ရေမွှေး ပက်ဖျန်းတာကတော့ကောင်းပါတယ်။
ဒါပေယ့် နံ့သာရည် ညောင်ရွက်စသည်မှာ
အကွက်လိုက် ကပ်ကျန်နေတာမျိုးတော့ မဖြစ်ပါစေနဲ့။
ပက်ဖျန်းပြီးတာနဲ့ သန့်စင်သွားအောင်
ရေနဲ့သေချာ ဆေးကြောပစ်ပါ။
နံ့သာရည် လောင်းပြီးရင် ရိုးရိုးရေလည်းလောင်းပါ။
တခြား တခြား နံ့သာရည် ပက်ဖျန်းတဲ့ကိစ္စတိုင်းမှာလည်းနည်းတူပါပဲ။
အကွက်မကျန်ပါစေနဲ့။
ဘုရားကျောင်းဆောင်ကတော့
နံ့သာရည်နဲ့ ပက်ဖျန်းလို့မကောင်းဘူး။
ရေထပ်ဆေးလို့လည်း မဖြစ်ဘူးလေ။
ဒါ့ကြောင့် ရနံ့မွှေးတဲ့ ဂန္ဓကုဋိ ဖြစ်အောင်တော့လုပ်ပါ။
နံ့သာရည်တွေနဲ့ ဟိုပက်ဒီပက် ညစ်ပတ်အောင်တော့ မလုပ်ပါနဲ့။
ဘုရားကျောင်းဆောင်ကို ဂန္ဓကုဋိစစ်စစ် ဖြစ်စေချင်တယ်ဆိုရင်တော့
ဘုရားကျောင်းဆောင်ထဲမှာ
ရနံ့မွှေးတဲ့ပန်းတွေနဲ့ အမြဲတမ်း ပူဇော်ထားပါ။
အရှင်ဆန္ဒာဓိက( နံ့သာဖြင့်ထုံမွမ်းအပ်သော