ပျော်ဘွယ်မြို့နယ်လုံးဆိုင်ရာ ဓမ္မကျောင်းတော်များ ဖြစ်မြောက်ရေးနှင့် ထွန်းကားပြန့်ပွား ဗဟို ကော်မတီမှ အလုပ်မှု
ဆောင် အစည်းအဝေးအတွက် ပင့်လျှောက်/ ဖိတ်ကြားအပ်ပါသည် ။
ဓမ္မကျောင်းတော် ဖြစ်မြောက်ရေးနှင့် ထွန်းကားပြန့်ပွားရေးကော်မတီရုံး
Wednesday, August 30, 2017
Saturday, August 19, 2017
ပရဟိတ--တဲ့လား
-------------------
---ပရဟိတ-ဆိုတဲ့ စကာလုံးလေးဟာ လူတွေရဲ့ ပါးစပ်ဖျားမှာ ရေပန်းစားနေတာ မကြာလှသေးပါဘူး။--သူများအကျိုးစီးပွားကို ဆောင်ရွက်တယ်-လို့ဆိုလိုတဲ့ သဘောပေါ့။--တကယ်တော့ အတ္တဟိတ နဲ့ ပရဟိတ-ဆိုတာ ခေါင်းနဲ့ပန်းလို ခွဲခြားလို့ရတဲ့အရာ မဟုတ်ပါဘူး။ ခေါင်းရော ပန်းရောစုံမှ ပိုက်ဆံဟာ သုံးလို့ရသလို လူ့ဘ၀ဆိုတာလဲ အတ္တရော ပရရော စုံမှ လူ့ဘ၀ပီသမှာပါ။ ပီလဲ ပီသကြပါတယ်။---အတ္တဟိတချည်းပဲ ဆောင်ရွက်နေသူမရှိသလို-ပရဟိတချည်းပဲဆောင်ရွက်နေသူလဲမရှိပါဘူး။
--ပရဟိတ-သူများအကျိုးဆာင်ရွက်တယ်ဆိုတာ ဘာတွေဆောင်ရွက်မှ ပရဟိတမည်တာလဲ--အဖွဲ့အစည်းတခု တည်ထောင်ပြီး သူများကို ပိုက်ဆံတွေပေးမှ၊ စားစရာ၊ ၀တ်စရာတွေပေးမှ၊ ခြေဆုပ်လက်နယ်ပြုပေးမှ ပရဟိတလား။
--ဒီလို ပရဟိတ-ဆိုတဲ့ ခေါင်းစည်းအောက်မှာ ကိုယ့်အဖွဲ့အစည်း နာမည်ကောင်းရရေး။ တစ်ကိုယ်တော် နာမည်ထင်ပေါ် လူသိများရေးအတွက် အမျိုးမျိုးကြော်ငြာ၊ ဖေ့စ်ဘွတ်ပေါ်တင်ပြီး မဏ္ဍပ်တိုင် တက်ပြနေတာ ပရဟိတထဲ ထည့်ရမလား၊ အတ္တဟိတထဲ ထည့်ရမလား။
--ပရဟိတ-ဆိုတာ သူများကို စားစရာ၊ ၀တ်စရာ-နေစရာပေးခြင်း။ သွေးလှူခြင်း- ဆေးဝါးကုသပေးခြင်းတို့လောက်သာ ဘောင်ကျဉ်းကျဉ်းလေးနဲ့ မြင်တဲ့အတွက် တချို့က မင်း ပရဟိတ မလုပ်ဘူးလားလို့တောင် မေးကြတယ်။
--သူတပါးအကျိုးစီးပွားဆောင်ရွက်တယ် ဆိုတာ-သူတပါး လိုအပ်တာကို ဖြည့်ဆည်းတာပါပဲ။ ဘာတွေလိုအပ်တာလဲ။ လိုအပ်တာတွေ အများကြီးပဲ။ အဲဒီထဲကမှ ကိုယ်တတ်နိုင်တဲ့အရာကို ကိုယ်တတ်နိုင်တဲ့ဘက်က ပါဝင်ကူညီဆောင်ရွက်ပေးတာ ပရဟိတ မဟုတ်ဘူးလား။
---ယနေ့ နိုင်ငံတခုရဲ့ အုတ်မြစ်၊ အဓိက ကျောရိုးဖြစ်တဲ့ ဆရာ၊ ဆရာမတွေဟာ အတ္တဟိတပဲ လုပ်နေသူတွေလား။ နိုင်ငံတော်ကြီးရဲ့ ရှေ့ခရီးအတွက် လူတော် လူတတ်လေးတွေ ပေါ်ထွက်လာအောင် လမ်းညွန်ပြသသွန်သင် ဆုံးမပေးနေတာ အဲဒါ ဘာလဲ။
--ဘုန်းတော်ကြီးတွေဟာ ဘုရားဟောပိဋကတ်တွေ သင်နေတာ လူတွေရဲ့စားဝတ်နေရေးကို ဝိုင်းကူလုပ်မပေးလို့၊ သို့မဟုတ် အထောက်အကူမဖြစ်လို့ ကိုယ့်ကျိုးပဲကြည့်နေတဲ့ အတ္တဟိသမားတွေလား။
--ပိုက်ဆံ တပြားတချပ်မှ မရဘဲ တနင်္ဂနွေနေ့ဆို ကိုယ့်ရဲ့ စီးပွားအလုပ်ကိုဖျက်ပြီး အမျိုး ဘာသာ သာသနာအတွက်ဆိုတဲ့ ခံယူချက်နဲ့ ကိုယ်တတ်နိုင်တဲ့ ဘက်ကရပ်တည်၊ ကိုယ်ပါဝင်နိုင်ဘက်က ကြိုးစားသင်ပြနေတဲ့ ဓမ္မစကူးလ် ဆရာ ၊ဆရာမတွေကရော အတ္တဟိတသမားတွေလား။
--မိဘတွေဟာ သူတို့ ရှာဖွေနေတာ သူ့တို့ချည်းပဲ ခံစား၊ စံစားဖို့လား။ သား သမီးတွေဟာ သူ့တို့ လုပ်ဆောင်နေတဲ့ အလုပ်က ရရှိတဲ့ငွေကြေးဟာ သူတို့ချည်းပဲ သုံးဖြုန်းပစ်ဖို့လား။
--တကယ်တော့-ကျောင်းဆရာ-ဆရာမ တယောက်ဟာ သူများအကျိုးဆောင်ရွက်ရင်းနဲ့ ကိုယ့်အကျိုးအတွက် ဆောင်ရွက်ပြီးဖြစ်သလို--မိဘတွေဆိုတာလဲ ကိုယ့်မိဘ၀တ္တရားကျေပွန်အောင် ဆောင်ရွက်ရင်းနဲ့ သားသမီးတွေဆိုတဲ့ သူတပါးအကျိုးကိုဆောင်ရွက်ခြင်း ကိစ္စပြီးတော့တာပါပဲ။ တခြားအရာတွေလဲ ဒီအတိုင်းပါပဲ-။
-ပရဟိတလုပ်ရင်း အတ္တတွေ ကြီးထွားမလာဖို့ သတိထားနိုင်ကြပါစေ။
-အတ္တဟိတ၊ ပရဟိတကို မြင်အောင်ကြည့်၊ သိအောင်ခံစားနိုင်ကြပါစေ။
Monday, August 14, 2017
Friday, August 11, 2017
ဘုရားအနေကဇာ တင်တယ်ဆိုတာ...
++++++++++++++++++++++++
မြန်မာဗုဒ္ဓဘာသာအများ အိမ်သစ်ပြောင်းရွှေ့တဲ့အခါပဲ
ဖြစ်ဖြစ်၊ ရုပ်ပွားဆင်းတုတော် အသစ်ဝယ်ယူ ပူဇော်လာတဲ့ အခါပဲဖြစ်ဖြစ်၊ အန္တရာယ်ကင်း ပရိတ်ပဋ္ဌာန်း ရွတ်ဖတ်ပူဇော်ပွဲ လုပ်တဲ့အခါပဲ ဖြစ်ဖြစ်
ဘုရားအနေကဇာ တင်ပွဲလေးတွေကို လုပ်လေ့ရှိကြပါတယ်။ ဘယ်ကြောင့်လုပ်တယ်ဆိုတာ တိတိကျကျ မသိကြပေမယ့် တစ်ချို့က ရုပ်ပွားဆင်းတုတော် အသစ်ကို အနေကဇာတင်မှ ကိုးကွယ်ကောင်းတယ်လို့ ထင်တတ်ကြတာ ရှိသလို အနေကဇာတင်မှလည်း ဆ
င်းတုတော်ဟာ တံခိုးပိုကြီးတယ်လို့ ထင်တတ်တာတွေ ရှိပြန်ပါတယ်။ ဒါကြောင့်လည်း ဘုန်းကြီးတွေကို ပင့်ပြီး ဘုရားဆင်းတုတော်ကို စားပွဲခုံပေါ်မှာတင်ပြီး ပတ်ပတ်လည် ဘုန်းကြီးတွေက ၀ိုင်းပြီး အနေကဇာ တင်စေကြတာ ဖြစ်မှာပါ။ ပိုဆိုးတာက တစ်ချို့ ဒီရုပ်ပွားဆင်းတုတော်ကို ဒီလိုအနေကဇာ မတင်ရင် မကိုးကွယ်ကောင်းဘူးလို့ ထင်နေကြတဲ့အပြင် ဘုန်းကြီးတွေက ဒီဆင်းတုတော်တွေကို ကိုးကွယ်နိုင်အောင် အနေကဇာတင်ပြီး ပြုလုပ်ပေးတယ်လို့ ထင်နေတတ်တဲ့ အချက်ပဲ ဖြစ်ပါတယ်။ လွဲနေကြတာလေးတွေကို ပြောတာပါ။ ဘုန်းကြီးကပြန်ပြီး ဘုရားကိုများ တံခိုးထက်အောင် ဖန်တီးပေးရတယ်လို။ စဉ်းစားသင့်တဲ့ အလွဲလေးတစ်ခုပါ။
တကယ်တော့ ဘုရားအနေကဇာ တင်တယ်ဆိုတာ ဘုရားကို ပူဇော်တာပဲ ဖြစ်ပါတယ်။ အနေကဇာဆိုတဲ့ စကားရဲ့ မူရင်းစကားလုံးက “အနေကဇာတိ သံသာရံ..” စတဲ့ မြတ်ဗုဒ္ဓရဲ့ ဥဒါန်းစကားတော်က လာတဲ့ စကားပဲ ဖြစ်ပါတယ်။ ဒီ အနေကဇာတိ သံသာရံမှာပါတဲ့ အနေကဇာတိဆိုတဲ့ စကားကိုပဲ အလွယ်ယူပြီး အနေကဇာ တင်တယ်လို့ ပြောကြတာ ဖြစ်ပါတယ်။ ဒီစကားဟာ မြတ်စွာဘုရား သစ္စာလေးပါးကို သိပြီး သဗ္ဗညုတ ဉာဏ်တော်ကို ရပြီးနောက် ပထမဆုံး ကျူးရင့်တော်မူတဲ့ ဥဒါန်းစကားပဲ ဖြစ်ပါတယ်။ အဓိပ္ပါယ်က
“အဖန်ဖန် ပဋိသန္ဓေနေရခြင်းသည် ဆင်းရဲလှစွာသောကြောင့် ခန္ဓာအိမ်ကို ဆောက်လုပ်တတ်သူ တဏှာလက်သမားကို ရှာသောငါသည် ထိုတဏှာလက်သမားကို မြင်နိုင်သောဉာဏ်ကို မရသေးသဖြင့် ဘ၀များစွာ သံသရာပတ်လုံး ကျင်လည်ခဲ့ရလေပြီ။ ခန္ဓာအိမ်ကို ဆောက်လုပ်တတ်သော ဟယ်… တဏှာယောက်ျား လက်သမား… ငါသည် သင့်ကို ပညာမျက်စိဖြင့် ယခုမြင်အပ်ပြီ၊ ခန္ဓာအိမ်ကို နောင်တစ်ဖန် သင်ဆောက်လုပ်ရမည်မဟုတ်၊ သင်၏ ကိလေသာတည်းဟူသော အခြင်ရနယ်အားလုံးတို့ကို ငါချိုးဖျက်အပ်ပြီ၊ အ၀ိဇ္ဇာတည်းဟူသော အိမ်အထွဋ်ကို ဖျက်ဆီးအပ်ပြီ၊ ငါ၏စိတ်သည်
ပြုပြင်ခြင်းကင်းရာ နိဗ္ဗာန်သို့ ရောက်ပြီ၊ တဏှာကုန်ရာကုန်ကြောင်း အရဟတ္တဖိုလ်သို့ ရပြီ… " (ဥဒါန၀တ္ထု)
ဟူ၍ ဖြစ်ပါတယ်။ မြတ်ဗုဒ္ဓ ဘုရားအဖြစ်ကို ရပြီးချင်းချင်း ကျူးရင့်တော်မူတဲ့ ဒီပုံရိပ်ကို အာရုံပြုပြီး သဗ္ဗညုတ ဘုရားကို ပူဇော်တဲ့ အနေနဲ့ ဘုရားရှင် ကျူးရင့်တော်မူခဲ့တဲ့ ဒီ အနေကဇာတိ သံသာရံ အစရှိတဲ့ ဘုရားစကားတော်များကို ပြန်လည်ရွတ်ဆိုပူဇော် ကြခြင်းဖြစ်ပါတယ်။ အဲဒါကိုပဲ ဘုရားအနေကဇာ တင်တယ်လို့ ဆိုခြင်းဖြစ်ပါတယ်။
အလွယ်ပြောရရင် ဘုရားအနေကဇာ တင်တယ်ဆိုတာ တန်ခိုးတော်အရာမှာ အတုမရှိတဲ့ ဗုဒ္ဓရှင်တော်မြတ်ကို ပူဇော်တဲ့ ပူဇော်ခြင်း တစ်မျိုးပဲ ဖြစ်ပါတယ်။ ဒါကြောင့် ဒီအနေကဇာတိ သံသာရံ အစရှိတဲ့ ဥဒါန်းစကားတော်များကို ရွတ်ဖတ်ပြီး ဘုရားရှင်ကို ပူဇော်တဲ့ ပူဇော်နည်းကို ဘုန်းကြီးတွေမှ မဟုတ်၊ လူတွေလည်း အချိန်မရွေ၊ နေရာမရွေး ဘုရားရှင် ဘုရားဖြစ်တော်မူမူချင်း မဟာဗောဓိပင်အောက်မှာ ကျူးရင့်တော်မူတဲ့ အသွင်သန္တာန်ကို အာရုံပြုပြီး ရွတ်ဆိုပူဇော်နိုင်ကြပါတယ်။ အဲဒီလို ပူဇော်တာကိုပဲ အနေကဇာ တင်တယ်လို့ ပြောမယ်ဆိုရင် လူတွေလည်း အနေကဇာ တင်နိုင်ကြပါတယ်။ ဘာဖြစ်လို့လဲဆိုတော့ ဘုရားကို ပူဇော်တာ ဖြစ်လို့ပါပဲ။
တစ်ချို့က ဘုရားအနေကဇာ တင်တာကို ဗုဒ္ဓါဘိသေက အနေကဇာတင်တယ်လို့ ဆိုတာရှိပါသေးတယ်။ ဘုရားကို ဘိတ်သိတ်မြောက်တယ်ပေ့ါ။ ဒါဟာ ဘုရားကို ဘိတ်သိတ်မြောက်တာ မဟုတ်ပါဘူး။ ဘုရားကို ဘိတ်သိတ်မြောက်ပေးလို့လည်း မရပါဘူး။ ဆင်းတုတော်ကို ထုလုပ်ပူဇော်တဲ့ အရာဝတ္ထုကို သန့်စင်စေတဲ့ သဘောပဲ ဖြစ်ပါတယ်။ ရုပ်ပွားတော် ထုလုပ်ကြတဲ့အခါမှာ ထုလုပ်တဲ့သူတွေဟာ ခြေထောက်နဲ့ညှက်ပြီး လုပ်ကြတာတို့၊ ဟိုထားဒီထား၊ ဟိုတင်ဒီတင် လုပ်ကြတာတို့၊ ဟိုဟာနဲ့အုပ် ဒါနဲ့အုပ် လုပ်ကြတာတို့ ရှိတတ်ပါတယ်။ ပြီးတော့ ထုလုပ်တဲ့ အရာဝတ္ထုတွေဖြစ်တဲ့ သစ်သား၊ ကြေး၊ ကျောက်စတာတွေရဲ့ မသန့်ရှင်းမှုတွေလည်း ရှိတတ်ပါတယ်။ ဒါကြောင့် ဒီလိုမသန့်ရှင်းတာတွေကို သန့်ရှင်းစေလိုတဲ့အတွက် အန္တရာယ်တွေကင်းအောင်၊ ပြီးတော့ ကိုးကွယ်တဲ့သူတွေရဲ့ စိတ်အစဉ် သန့်ရှင်းအောင် စတဲ့ သဘောတွေနဲ့ ဗုဒ္ဓါဘိသေက အနေကဇာတင်တယ်လို့ ဆိုတာ ဖြစ်နိုင်ပါတယ်။ ဘယ်လိုပဲဖြစ်ဖြစ် ဘုရားကိုတော့ ဘိတ်သိပ်မြောက်လို့ မရဘူးဆိုတာ သိစေချင်ပါတယ်။ အပြင်အမှောင့် ပယောဂတွေ မသန့်မရှင်းတာတွေကို သန့်ရှင်းအောင် လုပ်တယ်ဆိုရင်တော့ အထူးပြောစရာ မရှိပါဘူး။
ဆိုလိုတာက ဘုရားအနေကဇာ တင်တယ်ဆိုတာ ဘုရားရှင်ကို ပူဇော်တာဖြစ်ပြီး ကိုးကွယ်ခံ ရုပ်ပွားဆင်းတုတော်ကို စိတ်သန့်အောင် လုပ်တဲ့သဘော ဖြစ်တယ်ဆိုတာ ဆိုချင်တာပါ။ ဒီလိုလုပ်မှ ကိုးကွယ်ကောင်းတာ၊ ကိုးကွယ်ထိုက်တာ မဟုတ်ဘူးဆိုတာ သိစေချင်တာပါ။ ဘုန်းကြီးတွေက ရုပ်ပွားဆင်းတုတော်ကို တန်ခိုးထက်အောင်၊ ကိုးကွယ်လို့ရအောင် လုပ်ပေးတာ မဟုတ်သလို ဒီလိုမှ မလုပ်ရင် ရုပ်ပွားဆင်းတုတော်ကို မကိုးကွယ်ကောင်းဘူးဆိုတဲ့ အချက်ဟာ လွဲနေတယ်ဆိုတာ သိစေလိုရင်း ဖြစ်ပါတယ်။ အဓိကကတော့ ရုပ်ပွားဆင်းတုတော်ဆိုတာ ပုံတော်ကိုမှန်ပြီး ဂုဏ်တော်လွှမ်းနိုင်အောင်သာ ဟန်ပြအဖြစ် ရှိနေတာဖြစ်ပြီး မိမိတို့ တစ်ဦးချင်းရဲ့ နှလုံးသားမှာ ဘုရားတည်နေ၊ ဘုရားဂုဏ်တော်တွေကို အာရုံပြု ကြည်ညိုမှုတွေကပဲ အဓိကဆိုတာ သဘောပေါက်စေချင်တာ ဖြစ်ပါတယ်။
ဒါကြောင့် ဘုရားအနေကဇာ တင်တာတွေကို လုပ်နေကြပေမယ့် ဘာကြောင့်လုပ်တယ်၊ ဘယ်လိုအဓိပ္ပါယ်နဲ့ လုပ်တယ်စတာတွေကို မသိဘဲ အများလုပ်လို့ လုပ်နေ၊ လုပ်တဲ့အခါမှာလည်း တလွဲအတွေးတွေ၊ တစ်လွဲနားလည်မှုတွေနဲ့ လုပ်ဖြစ်နေကြတဲ့ ဗုဒ္ဓဘာသာဝင် အချို့ရဲ့ လွဲနေတတ်တဲ့ သဘောလေးကို သိပြီး ပြုပြင်နိုင်အောင် လွဲတတ်တာလေးကို ထုတ်ပြရင်း အကယ်၍ မိမိတို့ကိုယ်တိုင် ဒီလိုလွဲနေခဲ့ရင်လည်း အချိန်မီ ပြုပြင်ကြဖို့ တိုက်တွန်းသမှု ပြုကာ လွဲတတ်တဲ့ အလွဲတစ်ခုအဖြစ် တင်ပြလိုက်ရပါတယ်။
အရှင်ဝိစိတ္တ (မနာပ ဒါယီ)
✿ သရဏဂုံဆိုတာ ✿
════════════
သရဏဂုံရဲ့ အကျိုးတွေတင်ထားပြီး သရဏဂုံအကြောင်း ပြည့်ပြည့်စုံမတင်ရသေးလို့ ရှာပြီး တင်ပေးလိုက်ပါတယ် ...
သရဏဂုံ တည်သူသည် ဗုဒ္ဓဘာသာဝင်၊ ဗုဒ္ဓသာသနာဝင် ဖြစ်သည်။
သရဏဂုံအဓိပါယ်
══════════
ပါဠိဘာသာ သရဏဂမနကို မြန်မာလို သရဏဂုံ ဟုခေါ်သည်။
သရဏ = ကိုးကွယ်ရာ၊ အားကိုးရာ၊ အားထားရာ။
ဂမန = ယုံကြည်ဆည်းကပ်ခြင်း။
မြတ်စွာဘုရားသည် အားကိုးရာ သရဏ။
မြတ်စွာဘုရား၏ တရားတော်သည် အားကိုးရာ သရဏ။
သံဃာတော် အပေါင်းသည် အားကိုးရာ သရဏ။
လူတို့ အားကိုးရာ ဟူ၍ ယုံကြည် ဆည်းကပ်ခြင်းသည် ဂမန = ဂုံ။
ထို့ကြောင့် ဘုရား၊ တရား၊ သံဃာ၊ ရတနာ သုံးပါးကို အားကိုးရာ ဟူ၍ ယုံကြည် ဆည်းကပ်ခြင်းကို သရဏ ဂမန = သရဏဂုံ သုံးပါး ဟု ခေါ်သည်။
မြတ်စွာဘုရားကို အားကိုးရာ ဟူ၍ ယုံကြည် ဆည်းကပ်လျှင် ဗုဒ္ဓသရဏဂုံ တည်သည်။
မြတ်စွာဘုရား၏ တရားတော်ကို အားကိုးရာ ဟူ၍ ယုံကြည် ဆည်းကပ်လျှင် ဓမ္မသရဏဂုံ တည်သည်။
သံဃာတော် အပေါင်းကို အားကိုးရာဟူ၍ ယုံကြည်ဆည်းကပ်လျှင် သံဃသရဏဂုံ တည်သည်။
သရဏဂုံ တည်သူသည် ဗုဒ္ဓဘာသာဝင်၊ ဗုဒ္ဓသာသနာဝင် ဖြစ်သည်။
ဆောင်ပုဒ်
══════
ရတနာသုံးဖြာ၊ အားကိုးရာဟု၊ ဆည်းကပ်ပြု၊ ခေါ်မှု သရဏဂုံ။
သရဏဂုံ သုံးပါး၊ တည်သူများ၊ ရငြား ချမ်းသာစုံ။
ရှိခိုးတိုင်း သရဏဂုံ မဖြစ်
-------------------------------
မည်သည့် ပုဂ္ဂိုလ်ကို မဆို ရှိခိုးတိုင်း သရဏဂုံ မဖြစ်၊ ယုံကြည်ဆည်းကပ်မှု မဟုတ်။ သီလ သမာဓိ ပညာ ကိုယ်ကျင့်တရားတို့နှင့် ပြည့်စုံ၍ မြင့်မြတ်သော ပုဂ္ဂိုလ်အဖြစ်ဖြင့် ရှိခိုးမှသာ သရဏဂုံ ဖြစ်သည်။ ယုံကြည် ဆည်းကပ်မှု ဖြစ်သည်။
ဆွေမျိုးဖြစ်၍ ရှိခိုးခြင်း
ကြောက်၍ ရှိခိုးခြင်း
ဆရာဖြစ်၍ ရှိခိုးခြင်း
ဤ ရှိခိုးခြင်းများသည် သရဏဂုံ မဖြစ်။ မြတ်စွာဘုရားကိုပင် ဆွေမျိုးဖြစ်၍ ရှိခိုးလျှင် သရဏဂုံ မဖြစ်ပေ။
(ဒီ-ဋ္ဌ ၁၊ ၂၀၇)
ဆောင်ပုဒ်
══════
ဆွေမျိုးအဖြစ်၊ ရှိခိုးလစ်၊ မဖြစ် သရဏဂုံ။
ကြောက်ရသူအဖြစ်၊ ရှိခိုးလစ်၊ မဖြစ် သရဏဂုံ။
ဆရာအဖြစ်၊ ရှိခိုးလစ်၊ မဖြစ် သရဏဂုံ။
ပုဂ္ဂိုလ်မြတ်ဟူ၊ ရှိခိုးမူ၊ ရယူ သရဏဂုံ။
သရဏဂုံ တည်က၊ ပါယ်လေးဝ၊ လားရ မရှိကုန်။
ရှိခိုးသော်လည်း သရဏဂုံမပျက်
--------------------------------------
ရတနာသုံးပါးကို ယုံကြည်ဆည်းကပ်သဖြင့် သရဏဂုံတည်နေသော ဗုဒ္ဓဘာသာဝင် တယောက်သည် တခြားဘာသာမှ ဘုရား ဆိုသူများ၊ ဘုန်းကြီး ဆိုသူများကို ဆွေမျိုးဖြစ်ခြင်း၊ ဆရာဖြစ်ခြင်းကြောင့် ရှိခိုးသော်လည်း တည်ပြီးသားသရဏဂုံ မပျက်။ မြင့်မြတ်သောပုဂ္ဂိုလ်ဟု ယူဆ၍ ရှိခိုးမှသာ သရဏဂုံ ပျက်သည်။
(ဒီ-ဋ္ဌ ၁၊ ၂၀၇)
သရဏဂုံ ညစ်နွမ်းခြင်း ၄ မျိုး
════════════════
ရတနာသုံးပါး၏ ဂုဏ်ကို မသိလျှင် ဖြစ်စေ
အသိမှားလျှင် ဖြစ်စေ
ယုံမှား သံသယ ရှိလျှင် ဖြစ်စေ
ရတနာ သုံးပါးကို မရိုသေလျှင် ဖြစ်စေ သရဏဂုံ ညစ်နွမ်း၏။ သရဏဂုံ ညစ်နွမ်းလျှင် ကြီးကျယ် ဖွံ့ဖြိုးသော ကောင်းကျိုးကို မရနိုင်ပေ။
(ခုဒ္ဒကပါဋ္ဌ-ဋ္ဌ၊ ၇)
ဆောင်ပုဒ်
═══════
ဘာသာတပါး၊ ကိုးကွယ်ငြား၊ ပျက်ပြား သရဏဂုံ။
သေဆုံးလေငြား၊ ထိုသူအား၊ ပျက်ပြား သရဏဂုံ။
သရဏဂုံ မတည်နိုင်သူ
═════════════
သရဏဂုံ တည်နေသူသည် တခြားဘာသာကို ပြောင်းလဲ ကိုးကွယ်မှုမပြုသမျှ မသေမချင်း သူ့ သန္တာန်၌ သရဏဂုံ တည်နေ၏။ သေလျှင်ကား သရဏဂုံ ပျက်သွားပေပြီ။ သေပြီးနောက် စိတ်မရှိတော့သော ဥတုဇ ရုပ်အလောင်း၌မူ သရဏဂုံ မတည်နိုင်ပေ။ စိတ်သည်လည်း ဥတုဇ ရုပ်ကြွင်းအနီး၌ မရှိတော့ပဲ နောက် တဘဝ၌ ဖြစ်ပျက် အစဉ်အတိုင်း ဖြစ်လျက် နေလေပြီ။
သရဏဂုံ ၂ မျိုး
════════
ပုထုဇဉ် ပုဂ္ဂိုလ်တို့၏ သန္တာန်၌ ယုံကြည်ဆည်းကပ်မှုဖြင့် တည်သော လောကီသရဏဂုံ၊ အရိယာတို့၏ သန္တာန်၌ မဂ်ဉာဏ်နှင့် အတူတကွဖြစ်သည်လာသော လောကုတ္တရာ သရဏဂုံ ဟု ၂ မျိုး ရှိ၏။ လောကီ သရဏဂုံသည် ညစ်လည်း ညစ်နွမ်း နိုင်၏။ ပျက်လည်း ပျက်စီးနိုင်၏။ လောကုတ္တရာ သရဏဂုံ သည် ညစ်လည်း မညစ်နွမ်း၊ ပျက်လည်း မပျက်စီးပေ။ (ခုဒ္ဒကပါဋ္ဌ-ဋ္ဌ၊ ၇)
သရဏဂုံ အကျိုး
═════════
သရဏဂုံ တည်လျှင် ဘဝကောင်း ဘဝမွန်တွေကို ရခြင်း၊ စည်းစိမ် ဥစ္စာပြည့်စုံခြင်းမှ စ၍ ဆင်းရဲခပ်သိမ်း ငြိမ်းသည်အထိ ကောင်းကျိုးချမ်းသာကို ရရှိနိုင်၏။
နတ်ဖြစ်ရသော တံငါသည်
═══════════════
ရှေးက သီဟိုဠ်ကျွန်း၌ မဓုအင်္ဂဏ ရွာတွင် တမီလ် လူမျိုး တံငါသည် တယောက် ရှိ၏။ သူသည် နှစ်ပေါင်း ငါးဆယ်တိုင်တိုင် တံငါလုပ်ငန်းဖြင့် အသက်မွေးဝမ်းကျောင်းပြီးနောက် အိုမင်းမစွမ်း ဖြစ်သောအခါ ရောဂါ နှိပ်စက်၍ အိပ်ရာထက်၌ လဲလျောင်း နေရ၏။
ရဟန်းတော်တစ်ပါးသည် ထို တံငါသည်နှင့် သိကျွမ်းသဖြင့် သေခါနီး တံငါသည်မှာ အနည်းငယ် မျှပင် ထောက်တည်ရာ ရစေတော့ ဆိုသော သဘောဖြင့် သူ့အိမ်သို့ ကြွသွား၏။ အိမ်သို့ ရောက်သောအခါ လူမမာ တံငါသည်ကို သရဏဂုံ ဆောက်တည် စေ၏။ တံငါသည်သည် သေဘေးကို ကြောက်သဖြင့် သရဏဂုံကို လိုလိုလားလား ခံယူ ဆောက်တည်၏။ ရဟန်းတော်က ဆက်လက်၍ ငါးပါးသီလ တိုင်ပေးသောအခါ လူမမာမှာ မေးခိုင်သွား၍ လိုက်မဆိုနိုင်တော့ပေ။
ရဟန်းတော်က သင့်လောက်ပြီဟု ဆိုကာ ကျောင်းသို့ ပြန်ကြွသွား၏။ မကြာမီပင် တံငါသည် ကွယ်လွန်၍ စတုမဟာရာဇ် နတ်ပြည်၌ နတ်စည်းစိမ်ချမ်းသာကို ခံစားရ၏။
ဤတံငါသည် နှစ်ပေါင်းငါးဆယ် ပြုလုပ်ခဲ့သော ပါဏာတိပါတ ( အာစိဏ္ဏကံ ) အကုသိုလ်ကို သေခါနီးမှ ပြုရသော ( အာသန္နကံ ) သရဏဂုံ ကုသိုလ်က တားမြစ်လိုက်ကာ ကောင်းကျိုးချမ်းသာကို ပေးခြင်းဖြစ်သည်။ ( အံ-ဋ္ဌ ၂၊ ၁၀၇ )
၇ နှစ်သား ရဟန်းကလေး
═══════════════
ဝိပဿီ မြတ်စွာဘုရား လက်ထက်တော်အခါက ဆင်းရဲသော သူငယ်တယောက်သည် မျက်မမြင် မိဘ နှစ်ပါးကို ရိုသေစွာလုပ်ကျွေး ပြုစုလျက် နေ၏။ ဆင်းရဲလှသဖြင့် ဒါန စသော ကုသိုလ်များကို မပြုနိုင်ပဲ အဂ္ဂသာဝက တပါး ဖြစ်သော နိသဘမထေရ် ထံ၌ သရဏဂုံကိုသာ ခံယူဆောက်တည်လျက် အသက်ထက်ဆုံး နေထိုင်ခဲ့၏။ ထိုသူငယ် ကွယ်လွန်သောအခါ နတ်ပြည်၌ ဖြစ်ရ၏။
နောက်နောက် ဘဝများတွင်လည်း လူ့ချမ်းသာ၊ နတ်ချမ်းသာ တို့ကိုသာ လှည့်လည် ခံစားပြီးနောက် ဂေါတမ မြတ်စွာဘုရား ပွင့်တော်မူသော အခါ၌ သာဝတ္ထိပြည်တွင် သဌေးသား ဖြစ်လာ၏။ ပါရမီဓာတ်ခံ ပြည့်သူဖြစ်၍ အဖော်ကလေးများနှင့်အတူ ဇေတဝန် ကျောင်းတော်သို့ သွားရခြင်းကို အလွန် နှစ်သက်၏။
ရဟန္တာဖြစ်ပြီ တနေ့တွင် ဇေတဝန်ကျောင်းတော်သို့ သွားကြရာ ရဟန်းတော်တပါးက ကလေးများကို သရဏဂုံ ခံယူဆောက်တည် စေ၏။ သရဏဂုံ ဆောက်တည်ပြီးနောက် အဆိုပါ ကလေးငယ်သည် ရှေးဘဝက မိမိ တသက်လုံး သရဏဂုံ တည်ခဲ့သည်ကို ပြန်လည် သတိရ ဆင်ခြင်မိ၍ နှစ်သက်ဝမ်းမြောက်ခြင်း ပီတိတွေ အတိုင်းမသိ ဖြစ်ပေါ်လေ၏။ ထိုပီတိကို ဝိပဿနာ ရှုသောအခါ ခဏချင်းပင် ဝိပဿနာ ဉာဏ်တွေ ရင့်ကျက်၍ အရဟတ္တ မဂ်ဉာဏ်၊ အရဟတ္တ ဖိုလ်ဉာဏ်အထိ ရရှိပြီးလျှင် ရဟန္တာ အဖြစ်သို့ ရောက်ကာ ကိလေသာဆင်းရဲ လုံးဝ ငြိမ်းစဲ လေတော့၏။ (အပ-ဋ္ဌ ၂၊ ၃၉)
သာသနာတော်၌ အသက် ၂၀ ပြည့်မှ ရဟန်းပြုခွင့် ရှိသော်လည်း ဤ ရဟန္တာကလေးကိုမူ မြတ်စွာဘုရားသည် အသက် ၇ နှစ်မှာပင် ရဟန်း ပြုပေးလေသည်။
သရဏဂုံတည်ခြင်း၏ အကျိုးတရားကား ကြီးမားလှ၏။
သရဏဂုံ အမှားများ
════════════
ဘုရား၊ တရား၊ သံဃာ ရတနာသုံးပါးမှ တပါး တခြားတရား တခြား အရာကို မိမိတို့ ဆင်းရဲကို ငြိမ်းပေးနိုင်သည်ဟု ထင်မှတ်ကာ အားကိုးရာ အနေဖြင့် ယုံကြည် ဆည်းကပ် ကိုးကွယ်လျှင် မှားယွင်းသော ယုံကြည် အားကိုးမှု၊ မှားယွင်းသော ကိုကွယ်မှုသာ ဖြစ်၏။ အဘယ်ကြောင့်ဆိုသော် ထိုတရား ထိုအရာတို့၌ ဆင်းရဲငြိမ်းကြောင်း အကျင့်ကောင်း အကျင့်မှန် မရှိကြသောကြောင့်ပင်။
မြတ်စွာဘုရား လက်ထက်တော် အခါက အဂ္ဂိဒတ္တ ရသေ့ကြီးနှင့် တပည့် တသောင်းတို့သည် သစ်ပင်၊ တော၊ တောင်၊ သစ်သီး ဥယျာဉ်၊ ပန်း ဥယျာဉ်၊ နတ်ကွန်းတွေကို ကိုးကွယ်နေကြ၏။
မြတ်စွာဘုရားက သူတို့ ကိုးကွယ်နေကြသည်မှာ မှားယွင်းသော ကိုးကွယ်မှုတွေ ဖြစ်ကြောင်း၊ ဆင်းရဲကို မငြိမ်းစေနိုင်ကြောင်း၊ ရတနာသုံးပါးကို ယုံကြည် ကိုးကွယ်မှသာလျှင် အမှန်တရား လေးပါးကို သိ၍ ဆင်းရဲငြိမ်းစေနိုင်ကြောင်း ဟောကြားလျက် လမ်းမှန်ကို ပြပေးရ၏။ ထိုအခါမှ ပင် အဂ္ဂိဒတ္တနှင့် တပည့်အားလုံး အသိမှန် အမြင်မှန် ရကာ ရဟန္တာ ဖြစ်သွားကြ၏။ ( ဓမ္မ-ဋ္ဌ ၂၊ ၁၅၉ )
အမှားအမှန် ဝေဖန်နည်း မြတ်စွာဘုရား သက်တော် ၈၀ ပြည့်သည့်ည ပရိနိဗ္ဗာန် စံခါနီး၌ ကုသိနာရုံပြည် အင်ကြင်းဥယျာဉ်ကြီး အတွင်းဝယ် ကိုးကွယ်ရာ ဘာသာအယူဝါဒ အမှား အမှန် ဝေဖန် ရွေးချယ်နိုင်ရန် သုဘဒ္ဒပရိဗိုဇ် အား အောက်ပါ သဘောတရားကို ဟောကြားတော် မူခဲ့၏။
မဂ္ဂင်ရှစ်ပါး ကျင့်စဉ်ပါသော ဘာသာအယူဝါဒ သည်သာလျှင် ကိလေသာကို ငြိမ်းစေ၏။ ကိလေသာ ငြိမ်းမှ ဆင်းရဲငြိမ်း၏။ ဆင်းရဲငြိမ်းမှ မှန်ကန်သော ဘာသာအယူဝါဒ၊ မှန်ကန်သော ကိုးကွယ်ရာ ဖြစ်၏။
မဂ္ဂင်ရှစ်ပါး ကျင့်စဉ်မပါသော ဘာသာအယူဝါဒသည် ကိလေသာကို မငြိမ်းစေနိုင်။ ထို့ကြေင့် ဆင်းရဲကို မငြိမ်းနိုင်သဖြင့် မှန်ကန်သော ဘာသာ အယူဝါဒ မဟုတ်၊ မှန်ကန်သော ကိုးကွယ်ရာ မဟုတ်။
ထို့ကြောင့် မဂ္ဂင်ရှစ်ပါးကို အားထားကိုးကွယ်ရာ သရဏ = ဘာသာအယူဝါဒ မှန် မမှန် ခွဲခြား ဝေဖန်ရန် ဘာသာရေးစံ၊ သာသနာရေး မှတ်ကျောက် အဖြစ် မှတ်ယူ သင့်ပေသည်။
အကျင့်လမ်းမှန် မဂ္ဂင်ရှစ်တန်
════════════════
ပညာမဂ္ဂင် ၂ ပါး
----------------------
သမ္မာဒိဋ္ဌိ = မှန်စွာ သိမြင်မှု
သမ္မာသင်္ကပ္ပ = မှန်စွာ ကြံစည်မှု
သီလမဂ္ဂင် ၃ ပါး
--------------------
သမ္မာဝါစာ = မှန်စွာ ပြောဆိုမှု
သမ္မာကမ္မန္တ = မှန်စွာ ပြုလုပ်မှု
သမ္မာအာဇီဝ = မှန်စွာ အသက်မွေးမှု
သမာဓိမဂ္ဂင် ၃ ပါး
----------------------
သမ္မာဝါယာမ = မှန်စွာ ကြိုးစားအားထုတ်မှု
သမ္မာသတိ = မှန်စွာ သတိရမှု
သမ္မာသမာဓိ = မှန်စွာ စူးစိုက်တည်ငြိမ်မှု
ဆောင်ပုဒ်
══════
ရွေးချယ်ကြ
--------------
ဘာသာဝါဒ၊ ရွေးချယ်ကြ၊ မှန်မှ ကျိုးများသည်။
အယူဝါဒ၊ မှားယွင်းက၊ မုချ ကျိုးနည်းမည်။
အမှား အမှန်၊ ရွေးချယ်ရန်၊ စံမှန် ရှိရမည်။
မှတ်ကျောက်မှာတင်၊ စံမှာယှဉ်၊ ရွေးလျှင် မမှားပြီ။
မှတ်ကျောက်နှင့် စံ
----------------------
မဂ္ဂင်ရှစ်တန်၊ စံကောင်းမှန်၊ တင်ရန် မှတ်ကျောက် ဖြစ်ပေသည်။
ရှစ်ဖြာမဂ္ဂင်၊ ဘောင်မဝင်၊ ကျင့်စဉ် မှားလှသည်။
ရှစ်ဖြာမဂ္ဂင်၊ ဘောင်၌ဝင်၊ ကျင့်စဉ် မှန်လှသည်။
ကျင့်စဉ် မှန်မှ၊ ယူဝါဒ၊ ဒုက္ခ ငြိမ်းစေသည်။
ဒုက္ခ ငြိမ်းမှ၊ ထိုဝါဒ၊ မုချ စစ်မှန်သည်။
ဆင်းရဲ ငြိမ်းသူနှင့် မငြိမ်းသူ
--------------------------------
မဂ္ဂင်ရှစ်ထွေ၊ ကျင့်သူတွေ၊ ကိလေ ငြိမ်းကြသည်။
ကိလေ ငြိမ်းမှ၊ ဝဋ်ဒုက္ခ၊ မုချ ငြိမ်းပေသည်။
မဂ္ဂင်ရှစ်ထွေ၊ မကျင့်ပေ၊ ကိလေ မငြိမ်းပြီ။
ကိလေ မငြိမ်း၊ ဆင်းရဲကိန်း၊ အေးငြိမ်းချမ်းသာ မရှိပြီ။
ချမ်းသာမဆောင်၊ တရားယောင်၊ ဝေးအောင် ရှောင်ရမည်။
စစ်မှန်သော ဘာသာဝါဒ
------------------------------
ဗုဒ္ဓသာသနာ၊ မဂ်ရှစ်ဖြာ၊ သေချာ ရှိပေသည်။
ရှစ်မဂ္ဂင်ပွါး၊ ကိလေများ၊ ငြိမ်းသွား ချမ်းသာသည်။
ထို့ကြောင့် ဗုဒ္ဓ၊ ယူဝါဒ၊ မုချ စစ်မှန်သည်။
ကြုံကြိုက်ခဲစွာ၊ သာသနာ၊ ကြုံလာ ရပေသည်။
ကြုံလာသော်လဲ၊ သင်ယူလွဲ၊ သင်ပဲ ဆင်းရဲမည်။
မလွဲစေချင်၊ ရှစ်မဂ္ဂင်၊ တွင်တွင် ပွါးရမည်။
မဂ္ဂင်ပွါးလျှင်၊ ကိလေစင်၊ ပြေးဝင် နိဗ္ဗာန်ပြည်။
မဂ္ဂင်ရှစ်ပါး
-------------
သိမှန် ကြံမှန်၊ ပြောပြု မှန်နှင့်၊ ကောင်းမှန် သက်မွေး၊ ဖြူစင်ဖွေး၍၊ မှန်ရေး ကြိုးစား၊ မှန်ငြားသတိ၊ သမာဓိဟု၊ ဤသည့် ရှစ်ဖြာ၊ ကျင့်စဉ်ပါမူ၊ ဘာသာဝါဒ၊ ဝဋ်ဒုက္ခ၊ မုချ ငြိမ်းစေသည်။
ဥပါသကာ ဥပါသိကာ
════════════
စစ်မှန်သော အားကိုးရာ ကိုးကွယ်ရာ ဖြစ်သည့် ရတနာသုံးပါးကို ယုံကြည် ဆည်းကပ်သော အမျိုးသားကို ဥပါသကာ၊ အမျိုးသမီးကို ဥပါသိကာ ဟု ခေါ်သည်။
ဥပါသကာ = ရတနာသုံးပါးကို ယုံကြည် ဆည်းကပ်သူ အမျိုးသား။
ဥပါသိကာ = ရတနာသုံးပါးကို ယုံကြည် ဆည်းကပ်သူ အမျိုးသမီး။
ဆောင်ပုဒ်
══════
ရတနာသုံးရပ်၊ မြဲဆည်းကပ်မူ၊ ထိုသည့်သူ၊ မှတ်ယူ ဥပါသကာ။
ဥပါသကာ၏ သီလ ဥပါသကာ ဥပါသိကာ တို့သည် ( ၁ ) လက်နက်၊ ( ၂ ) လူ၊ ( ၃ ) သားငါး၊ ( ၄ ) အရက်သေစာ၊ ( ၅ ) အဆိပ် တို့ကို ရောင်းဝယ် ကုန်သွယ်ခြင်း မပြုရ။ ဤငါးမျိုးကို မိစ္ဆာဝဏိဇ္ဇာ = အပြစ် မကင်းသော ကုန်သွယ်မှု ဟု ခေါ်သည်။
ဤ မိစ္ဆာဝဏိဇ္ဇာနှင့် ကာယ ဒုစရိုက် ၃ ပါး၊ ဝစီ ဒုစရိုက် ၄ ပါးကို ရှောင်ကြဉ်၍ အသက် မွေးဝမ်းကျောင်း ပြုလျှင် ဥပါသက အာဇီဝ ပြည့်စုံ စင်ကြယ်တော့သည်။
http://csvbooks.blogspot.com/ မှ ကူးယူဖော်ပြထားပါသည်။
Thursday, August 10, 2017
မိဘဂုဏ် (၁၃) ပါး
¤¤¤¤¤¤¤¤¤¤¤¤¤
မိဘမေတ္တာ ကျေးဇူးတရားတွေကို ခိုင်းနိူင်းတင်စား
စာဖွဲ့ ကြတာ လောကဥပမာ အမျိုးမျိုး အဖုံဖုံ ပါဘဲ ။
တကယ်လဲ ကြီးမားလှတဲ့ခိုင်မာတဲ့ မေတ္တာရှင် ဖြစ်ပါသည် ။
မိဘနှစ်ပါး၏ ဂုဏ်တော် (၁၃)ပါး ရှိလေသည်။ ၄င်းတို့မှာ
(၁) သုဟဒယဂုဏ် …ဆိုတဲ့…အရိုး ၊ အကြော ၊ အသွေး သားထဲက စိမ့်ပြီးသားသ္မီးကိုချစ်ခြင်း ။
(၂) ဗြဟ္မာဂုဏ်…ဆိုတဲ့ မေတ္တာ ၊ ဂရုဏာ ၊မုဒိတာ ၊ ဥပေက္ခာ လေးပါးနှင့် စောင့်ရှောက် ခြင်း ။
( ၃) ဇနေတ္တိဂုဏ်…ဆိုတဲ့ အသက်စွန့် ပြီး မွေးသော အမေ ၊ အသက်စွန့်ပြီး ရှာကျွေးသောအဖေဖြစ်ခြင်း
(၄) ပေါသကဂုဏ်…ဆိုတဲ့ အေးမြပြီး သန့်ရှင်း ကြည်လင်သော မိဘနှစ်ပါး၏အရိပ် ရခြင်း ။
(၅) ပေါသနန္တိဂုဏ်…ဆိုတဲ့ လေပူနေပူ အအေးဒဏ်မျိုးစုံ ကို ကာကွယ်ပြီး ပြုစုစောင့်ရှောက်ပေးခြင်း ။
(၆)ဒေဿတာရာဂုဏ်…ဆိုတဲ့ စကားပြောသင်ခြင်းမှ အစ ဘုရားရှိခိုးနည်း ၊ဆွမ်းကပ်နည်း ၊ ကြီးသူကို ရိုသေ ငယ်သူကိုညှာတာတတ်အောင် သင်ကြားပေးခြင်း ။
(၇) အာပါဒကာဂုဏ်…ဆိုတဲ့ ဘေးရန်ကင်းစေ ရန် အသက်စွန့်ပြီး ကာကွယ်စောင့်ရှောင့်ခြင်း ။
(၈) တေသယန္တိဂုဏ်…ဆိုတဲ့ တေးသီချင်းတို့ဖြင့် သံငြိမ့်ညူးရင်း နှစ်သိမ့်တတ်ခြင်း ။
(၉) ပုဗ္ဗာဒေ၀တာဂုဏ်…ဆိုတဲ့ အိမ်ဦးနတ် ဖခင် ၊မိခင် ဖြစ်ခြင်း ။
(၁၀)ပုဗ္ဗာစရိယဂုဏ်…ဆိုတဲ့ လက်ဦးဆရာမည်ထိုက်စွာ စာရိတ္တမပျက်စီးစေရန် ဘာသာရေးနှင့် သိမ်းသွင်းခြင်း။
(၁၁)ဂေါပါယန္တိဂုဏ်…ဆို တဲ့ စားဝတ်နေရေး၊ ပညာရေး မပူပင်ရအောင် လုပ်ဆောင်ပေးသော အေးသော အရိပ်ပေးခြင်း ။
(၁၂) အာယုနေယျဂုဏ်…ဆိုတဲ့ ပစ္စည်း လေးပါးဖြင့် ကန်တော့ခံရသည် ပုဂ္ဂိုလ်ဖြစ်ခြင်း ။
(၁၃)အနာမဋ္ဌဂုဏ်…ဆိုတဲ့ ရဟန်း ဆွမ်းမဘုဉ်းမပေးမှီ မိဘနှစ်ပါးအား အရင်ဆုံး စားစေခြင်း အခွင့် ရရှိသော မိဘနှစ်ပါးဖြစ်ခြင်း တို့ဖြစ်၏။
Wednesday, August 9, 2017
ရေအကျိုး(၁၀)ပါး
▬▬▬▬▬▬▬
၁။သန့်ရှင်းကြည်လင်ခြင်း
၂။ကျော်စောထင်ရှားခြင်း
၃။အခြံအရံ ပေါများခြင်း
၎။လျင်မြန်ဖျတ်လတ် သွက်လက်ပေါ့ပါးခြင်း
၅။ရေငတ်မွတ်သိပ်မှု ကင်းဝေးခြင်း
၆။အသက်ရှည်ခြင်း
၇။အဆင်းလှခြင်း
၈။ကြီးပွားချမ်းသာခြင်း
၉။ခွန်အားကြီးမားခြင်း
၁၀။ပညာဥာဏ်ကြီးမားခြင်း
==================
တစ်နည်းရေလှူရကျိုး
++++++++++++++
၁။နတ်မင်းအပေါင်းထက် မြတ်သော နတ်အဖြစ် အကြိမ်များစွာဖြစ်ရခြင်း
၂။စကြဝတေးမင်းအဖြစ် အကြိမ်များစွာ ဖြစ်ရခြင်း
၃။အပါယ်လေးပါးသို့ တစ်ကြိမ်တစ်ခါမျှ မရောက်ရခြင်း
၎။ရောက်လေရာအရပ်၌ ရေမရှားခြင်း
၅။ရောဂါကင်း၍ အဆင်းလှခြင်း
၆။ဆောင်းရာ,နွေရာသီများ၌ လိုအပ်၍ တောင့်တလျှင် ကြီးစွာသောမိုးကို ရွာသွန်းစေနိုင်ခြင်း
၇။ကိလေသာတည်းဟူသော မြူကင်းခြင်း
Tuesday, August 8, 2017
အသိပေးကြေငြာအပ်ပါသည်
ပျော်ဘွယ်မြို့နယ်အတွင်းရှိ ဓမ္မကျောင်းတော်အသီးသီးမှ ဆရာတော် သံဃာတော်အရှင်သူမြတ်တို့ဘုရား မိမိတို့ဓမ္မကျောင်းတော်အသီးသီးမှ ဓမ္မကျောင်းတော်နှင့်သက်ဆိုင်သော သတင်းများ - လုပ်ငန်းစဉ်များကို အခြားသောဓမ္မကျောင်းတော်များသို့ မျှဝေပေးလိုသော ဆန္ဒရှိပါလျှင်
09 451 80 80 10 သို့ Viber မှတစ်ဆင့် ဆက်သွယ်၍ မျှဝေနိုင်ပြီဖြစ်ပါကြောင်း အသိပေးကြေငြာအပ်ပါသည်ဘုရား ။
Admin
ပြန်ကြားရေးနှင့် သတင်းအချက်အလက်ဌာန
သာယာကုန်းဓမ္မကျောင်းတော်
ရှမ်းပွဲရပ် - ပျော်ဘွယ်မြို့
09 451 80 80 10 သို့ Viber မှတစ်ဆင့် ဆက်သွယ်၍ မျှဝေနိုင်ပြီဖြစ်ပါကြောင်း အသိပေးကြေငြာအပ်ပါသည်ဘုရား ။
Admin
ပြန်ကြားရေးနှင့် သတင်းအချက်အလက်ဌာန
သာယာကုန်းဓမ္မကျောင်းတော်
ရှမ်းပွဲရပ် - ပျော်ဘွယ်မြို့
အိပ်တတ်ခြင်း၊ စားတတ်ခြင်း၊ နေတတ်ခြင်း
•••••••••••••••••••••••••••••••••••
ဤစကားသုံးခွန်းသည်
အ ရေးပါသော စကားသာဖြစ်သည်။
အိပ်တတ်ခြင်း
***********
အိပ်ယာဝင် လျှင် ဝင် ဝင်ခြင်း
မိမိဦးခေါင်းပြုရာဘက်သို့
ဗုဒ္ဓံပူဇေမိ ဓမ္မံပူဇေမိ သံဃံပူဇေမိ
လုံးစုံများစွာ သတ္တဝါ ချမ်းသာကိုယ်စိတ်မြဲပါစေ
ဥပါဒ် ရန်ဘေး ကင်းစင်ဝေး
ငြိမ်းအေးကြပါစေ
ယ နေ့ပြုပြုသမျှ ကံဟူမျကို
လုံးစုံများစွာ သတ္တဝါ အနန္တတို့အား
အမျှ အမျှ အမျှ ပေးဝေပါ၏
ပြီးမှအိပ်စက်ပါ။
မတွေးတောပါနဲ့
*************
ထွက်လေ ဝင်လေ လေးကို
အသာလေးကြည့်နေပါ
သတိကပ်ထားပါ။
သ ဘောလေးပါလား
ထိဆဲလေး၌ ထိ သ ဘောက
ဓမ္မသက်သက်ပါတကား။
အနတ္တပါတကား။
ထိသိသ ဘောက မမြဲပါတကား။
အနိစ္စဖေါက်ပြန် ပျက်စီးခြင်း သ ဘော
အနှိပ်စက်ခံနေရခြင်းသည်ပင် လျင်
ဒုက္ခပါတကား။
ဤသို့ ရှုမှတ် ရင်းဖြင့်
သတိ ဝိရိယ ကိုလျော့လိုက်ပါ။
ထိုအခါ ဝီထိဇောကျသဖြင့်
ချမ်းသာစွာ အိပ်စက်သွားပါလိမ့်မည်။
➳ ဤသည်ကားအိပ်တတ်ခြင်းမည်၏။
စားတတ်ပါစေ။
************
ဤစကားသည်သတိပညာယှဉ်၍
အာဟာရသည် ရုပ်တရား
လျှာသည်၎င်း သွားသည်၎င်း
ပါးစပ်သည်၎င်း
ရုပ်တရား ရုပ် ရုပ်ခြင်းပေါင်းစပ်
တွေ့ထိခြင်းကြောင့်
အသိ နမ်တရား
ခုပေါ်ခုပျက် သူလဲပဲ အနိစ္စ ဒုက္ခ အနတ္တ ဥာဏ်
အသိကပ်လျက်
အစာကိုစားသုံးလျှင်
အစာ၌ တပ် နှစ်သက်သော တဏှာ ရာဂကို
ကင်းစေသည်ဖြစ်၍
➳ ဤသည်ပင် လျှင် စားတတ်ခြင်းမည်၏။
နေတတ်ပါစေ
***********
ဤသို့သောစကားသည် မြင် တိုင်း
ကြားသိတိုင်း
အာရုံပေါ်တွင် ဣဋ္ဌာအနိဋ္ဌာ
မသတ်မှတ်တော့ပဲ
ဥပေက္ခာသံယောဇဉ် သတိကပ်၍
လက္ခဏာတင် ဆင်ခြင် လျက်
နေထိုင် ကျင့်ကြံနေခြင်းသည်
နေတတ်ခြင်းဖြစ်၍
ဓမ္မဝိဟာရီ တရားနှင့်နေခြင်းဖြစ်၍
မြတ်သောနေခြင်းသည်ပင် လျှင်
➳ အရိယာတို့၏ နေခြင်းမည်၏။
(ဓမ္မ ဂုဏ်ရည် ဆရာတော် ဘုရားကြီး)
ပညာရှိပညာမဲ့ ခွဲခြားနည်း
👀👀👀👀👀👀👀
ပညာရှိနှင့် ပညာမဲ့ အပေါ်ယံတွင်တော့ သူလည်း ဒါနပြု ၊ သီလပြု ၊ ငါလည်း ဒါနပြု ၊ သီလပြု ၊ သူလည်းသားရှင်ပြု ၊ ငါလည်းသားရှင်ပြုနေကြတာပဲ ၊ ဒါပေမယ့် အတွင်းစိတ်ဓာတ်ကတော့ အဖြူနဲ့ အမည်းကွဲလွဲကြတယ် -
ပညာမဲ့က ... ငါကောင်းစားဖို့ ဒါနပြုတယ်
ပညာရှိက ... သာသနာပူဇော်ဖို့ ဒါနပြုတယ်
ပညာမဲ့က ... ငရဲကြောက်၍ ငါးပါးသီလမြဲတယ်
ပညာရှိက ... မမြဲသောခန္ဓာကြီးကို အမိုက်ခံ၍ မကျွေးလိုသဖြင့်
ငါးပါးသီလမြဲတယ်
ပညာမဲ့က ... နတ်ပြည်ရောက်ဖို့ ဥပုသ်စောင့်တယ်
ပညာရှိက ... တစ်နေ့တစ်ရက် တဏှာကျွန်အဖြစ်မှ ငြိမ်းချမ်းတဲ့
သုခကိုလို၍ ဥပုသ်စောင့်တယ်
ပညာမဲ့က ... ငါတို့ဘုန်းကြီးမှ ဂစ္ဆာမိတယ်
ပညာရှိက ... သံဃာအစစ်မှ ဂစ္ဆာမိတယ်
ပညာမဲ့က ... ထုံးစံကို လေးစားတယ်
ပညာရှိက ... မဂ်ဉာဏ် ဖိုလ်ဉာဏ်ကို လေးစားတယ်
ပညာမဲ့က ... အများကောင်းရင် လိုက်ကောင်းတယ်
ပညာရှိက ... အများကောင်းတိုင်း လိုက်မကောင်း
ပညာမဲ့က ... နာမည်ကြီးသူပြောရင် ယုံကြည်တယ်
ပညာရှိက ... နာမည်ကြီးတိုင်း လိုက်၍မယုံ
ပညာမဲ့က ... အထူးအဆန်းကို မြတ်နိုးတယ်
ပညာရှိက ... သဘောမှန်ကို မြတ်နိုးတယ်
ပညာမဲ့က ... ရွှေထူတဲ့ဘုရားမှ မြတ်နိုးတယ်
ပညာရှိက ... ဘုရားနှစ်မျိုးမထားဘဲ တစ်မျိုးတည်းထားတယ်
ပညာမဲ့က ... ဘုရားရှာထွက်လေ့ရှိတယ်
ပညာရှိက ... ဂုဏ်တော်ကိုးပါးကို အခွင့်ရတိုင်းပွားတယ် ။
အတွင်းသဘောချင်း မကွာဘူးလား ။
( ကျေးဇူးရှင် နမ္မားဆရာတော်ကြီး အရှင်ဉာဏ )
ရှေး တရုပ်ပညာရှိ ရဲ့ သားမြေးတွေကို လုံးဝ မပြောမိစေဖို့ ပိတ်ပင်ထားတဲ့ စကား ၅ ခွန်း
၁. ခက်ခဲတယ် 难
ခက်တယ်ဆိုတဲ့စကားပြောလိုက်တာနဲ့ ပြသနာတွေ ဖြေရှင်းဖို့ တွန်းအားစွမ်းအားတွေ ရပ်ဆိုင်းကုန်တတ်ပါတယ် ။
…………………………….
၂. မလုပ်နိုင်ဘူး 不会做
လုပ်ဆောင်နေတဲ့အရာကနေ ကိုယ့်ကိုယ်ကို မောင်းထုတ်လိုက်သလိုဖြစ်စေပြီး ဆက်လက်လေ့လာဖို့ ပိတ်ပင်ပြီးသားဖြစ်စေတတ်တယ်
…………………………….
၃. အားလျော့တယ် 灰心
ဒီစကားလေးတစ်ခွန်းတည်းနဲ့ တင် ခန္တာ နဲ့ စိတ်ထဲမှာရှိနေတဲ့ အားအင်တွေ အကုန်လုံး လျော့ကျပြီး အားအင်ကုန်ခမ်းသွားစေတတ်ပါတယ်
…………………………………….
၎.ပျင်းတယ် 懶
အပျော်သဘောတောင်မပြောသင့်တဲ့ စကားဖြစ်ပါတယ် ဒီစကားဟာ တာဝန်မယူတတ်ခြင်းကိုဖြစ်ပေါ်စေတတ်ပါတယ်
…………………………
၅.ပင်ပန်းတယ် 累
ဒီစကားလုံးကိုပြောလိုက် တာနဲ့ ခန္ဓာကိုယ်က နွမ်းနယ် မှုတွေနဲ့ ပြန်ပြီးတုန့်ပြန်လိမ့်မယ်
………………………….
တရုပ်လူမျိုးတွေ ဟာ ကမ္ဘာ မှာ အရောင်းအဝယ်နဲ့ ပါတ်သက် ပြီး စွမ်းအားကြီးမားလှတာ ကိုတော့ လက်ခံ ရပါမယ် ။ အထူးသဖြင့် ၂၀၁၅ အတွင်း တရုပ်မဟာသဌေး မင်းကြီးတွေ အများအပြားပေါ် ထွက်လာတယ် ခန့်မှန်းချက်တွေ အရ တရုပ်သဌေးတွေက ဥရောပ နဲ့ အမေရိကန် ကိုတောင် ကျော်တက် သွားလိမ့်မယ် လို့ ဆိုနေကြပါတယ်
Credit: Happy Life Project
Subscribe to:
Posts (Atom)